ENGLISH>>
Syukur putune dewek uwis lahir, jabang bayi karo ibune sehat ...
Ulih rangking 5 ya ora wis lumangyan le, ngesuk sinau maning sing lewih giat supayane bisa ningkat ...
Sering dewek ngucapna tembung/ ukara nggo ngungkapna rasa syukure dewek sekang anane salah sijine hal, utawa kahanan kang kedadean. Karo rasa ikhlase dewek merga menawa kedadean sijine hal, kekurangan sijine hal, utawa hal kuwe ora diarepna.
Napa
ana hubungane tembung syukur kuwe karo rasa ikhlas? Miturut Panjenengan? Jajal dihubungna
karo kedadean-kedadean sing kedadean sak
anane Panjenengan. Pikirna hal kang tau
Panjenengan syukuri banget, napa anane rasa ikhlas kang mbarengi utawa kudu
mbarengi? Utawa hal kang kudu Panjenengan ikhlasna, napa ana rasa syukur
Panjenengan maring hal kang wis Panjenganan ikhlasna kuwe?
Dadi
sepira seringe Panjenengan ngrasa syukur? Sepira seringe Panjenengan kudu
ikhlas?
Dewek
ngomong tembung syukur maring apa sing dewek trima sekang apa kang dewek arepna
utawa ngikhlasna hal sing kedadean sing menawa ora dewek arepna. Menawa mungkur
hal-hal sing gedhe/ arang kedadean. Tapi sebenere dewek kudu bisa ngetoakna
rasa syukur karo ikhlas kuwe ana saben lakune dewek, gesange dewek saben dinane.
Merga tanpa rasa syukur karo ikhlas kuwe ngaruh-aruhi perane dewek nang dunya
minangka dadi sawijine manungsa, dadi kaluarga, kelompok, karo dadi bagean sekang
masyarakat. Ngaruh-ngaruhi lakune dewek, sifate dewek, rupane dewek maring wong
liya utawa lewih-lewih kosok baline dewek maring sawijine kedadean sing timbul apa
kuwe anane menungsa dewek, utawa ing masyarakat.
Apa baen
sing dewek syukuri? Apa baen sing kudu dewek ikhlasna? Kaya mau diucap, hal
gedhe utawa arang sing diarep-arepna mestine sing kepikiran disit. Tapi jajal dewek
deleng hal-hal nang ngisor kiye...!, sing menawa dewek anggep gampil. Sebenere ora
ulih disebut gampil kur merga sangking seringe dadi kaya wis biasa utawa sing
nang sajabaning sirah utawa malah kelalen ...?
Dewek
sehat, awakku genep, pas, nglakoni apa baen dadi. Utawa. Dewek mriangen, cacat,
gering, kelemon, angel go ngapa-ngapa.
Bapak
ibuku eman benget, mesti nuruti apa karepku. Utawa. Bapak ibuku tegas banget,
apa-apa pantangan, kiye kue ora ulih.
Dewek
bisa sekolah duwur, ulih kerja gampang, kancane akeh. Utawa. Dewek ora bisa
sekolah, merga kudu ngrewangi golet duit nek arep sekolah, angel golet kerja
merga ora duwe kanca.
Umahku
amba, adem karo ayem, sawah ijo, karangan kebek sayur karo buah. Utawa. Umahku cupet,
lemaeh pas bates pandasi apa maning karangan utawane malahe ngontrak.
Kerjdewek
mapan, gajihku gedhe, cukup banget lah. Utawa. Kerja ra genah, mangan baen
utang, bingung singgo kiriman.
Bosku
eman, perlune mesti diwei, ulih bonus maning. Utawa. Bosku itung-itungan
banget, kayak pengawas KPK, bayarane sering keri, pas-pasan karo ora tau diwei
bonus.
Utawa
kaya kiye!
Olah-olahe
geseng, ra enak
Wah hadiahe
apik banget
Waduh
keri, mau wengi lek-lekan sih
Brisik,
apa-apa diojari
Wah hawane
seger banget
Yah udan,
yah banjir, yang mogok
.................
lha sing liyane ............
Kok ora
udan-udan, wis garing, kebakaran mbirengan
Akeh
banget hal sing mesti dewek deleng, tampi, lakoni sing pas utawa ora pas hasile
karo kekarepe dewek. Singkate, saben dina, saben jam, saben menit mestine ana
pengarep karo kepenginan sekang hal sing
urung karo/ utawa arep dilakoni. Mangkane pengarep karo kepenginan sing apik,
hasile pas karo apa sing dipikirake dewek. Sebagean dewek mungkur ngarep-arep
karo kepengin, sebagean maning usaha ngweujudna utawa usaha sebisane sing seteruse
dewek omong proses. Kue dewek, ngarep karo kepengin karo kudu ngliwati proses singgo
ngwujudaken disit mergane kasile dewek urung ngerti tapi mungkur bisa ngira-ira
utawa ngreka.
Merga
dewek mikir menawa 1+1=2. Dadi nek dewek arep rangking 1, ngarep dadi juara
kelas kudu sinau tembe bisa ulih rangking 1 dadi juara kelas. Nek sinaune sante
ya mesti ora mungkin dadi rangking 1 apa maning ora sinau ora mungkin ulih
nilai apik.
Dewek
arep sugih, dewek kudu ngarep duit akeh dadi kudu kerja sregep, dagang sing
tekun tawa nganah tawa ngeneh tembe ulih kasil sing gedhe. Nek kerja sante,
dagang saanane ya untunge sethithik apa maning nek mungkur ndeleng wong liya
kerja utawa dagang karo ngenteni pandum.
Dewek
ngarep, dadi dewek kudu usaha tapi kasil kuwe hal sing sebenere udu kuasane dewek
singgo ndisiti jawabe. Urung mesti sing
lulusan S3 kuwe arep dadi bos, utawa urung mesti sing ora lulus SD
mungkur arep dadi kuli. Urung tentu dewek sinau awan bengi ulih rangking 1. Urung
tentu sregep tawa dagangane dadi laris.
Sajerone
nampa kasil, usaha dewek kiye sing diperlukna anane syukur karo ikhlas. Merga nek
ora ana unsur syukur karo ikhlas dadi anak-anake sing wis sinau sregep awan
wengi trus mungkur ulih nilai sing biasa utawa pas kebener adoh sesing
pengarepan ndadekna rasa sia-sia maring sing diusahakna. Utawa merga wong tuane
ora syukur karo ikhlas dadi anake kuwe diomeih ora aweh rasa ngregani maring
usaha sregep sinaune sing wis dilakoni. Menawa malah ndadekna rasa nyerah,
utawa mikir sinau ora sinau pada bae. Karo rasa pengarepa juga dai ngurangi.
Tau aku
ngrungu wong tua sing ngujar nek singgo apa sekolah duwur-duwur, paling ya
kerja karo wong, kasile pada baen nguli. Apa kaya kuwe benera?
Menurutku
dewek perlu banget pengarep, karo terus usaha. Dadi dewek tetap ngarep mlebu
suarga, ngarep dadi sugih, ngarep sukse, ngarep dadi bintang kelas terus dewek
kudu tetep usaha, usaha seapik-apike dewek bisa terus dewek kudu nganakna rasa
syukur karo ikhlas men supaya pengarepa karo usahane dewek sing menawa hasile
ora pas kaya apa sing dipikir tetep dadi kasil sing paling apik singgo dewek. Kuwe
sing lewih apik, udu nggo disesali ndadikna emosi karo ndadikna mandeg ngarep,
mandeg usaha.
Merga
kebeh hal nang ndunya kiye kuwe sawijine proses, lewih apik prosese mestine
nilaine arep lewih apik. Nek kasil udu kuasane dewek, merga sing dewek ulih
pancene kuwe sing paling apik nggo dewek sing wajib disyukuri karo ikhlasna.
Nilene
ana neng pengarepane dewek sing apik, proses sing dewek lakoni sing bener nggo
mujudna rasa syukur karo ikhlas nrima apa sing dewek ulih.
Dadi
dewek dadea menungsa/ wong sing pikirane apik, gawe warna padang nggo kabehan.
Bocah
sekolah sing selalu sregep sinau, mangkat sekolah pas wektune. Kuli sing tekun,
nurut, jujur. Pimpinan sing tegas, ana wibawane. Sing kabeh mau ndadekna dewek
apik, nangendi papan nangendi situasi karo kahanan apabaen, nang wayah apabaen.
------ karepe penulis mbok ana sing arep
mbenerna bahasa jawane, mangga---
aatypers@blogbahari
No comments:
Post a Comment